فیصل کالونی کے بجلی چور کے خلاف مقدمہ

​فیصل کالونی کے بجلی چور کے خلاف مقدمہ
فیصل کالونی چکوال کے بجلی چور کے خلاف مقدمہ درج کر لیا گیا۔ میڈیا رپورٹس کے مطابق ایس ڈی او واپڈا محمد سرفراز خان نے پولیس کو بتایا کہ فیضان اسد نے گھریلو بجلی کمرشل استعمال لا رکھی تھی اور حکومت کو 40 ہزار روپے کا نقصان پہنچایا۔ پولیس نے مقدمہ درج کر لیا۔

It's only fair to share...Share on Facebook0Share on Google+0Tweet about this on TwitterShare on LinkedIn0

مسلم لیگ ن ضلع کونسل چکوال کی مخصوص 22 نشستوں پر کامیاب

ضلع کونسل چکوال کی مخصوص تقریباً24 میں سے 22 نشستیں مسلم لیگ ن نے غیر سرکاری طور پر جیت لی ہیں، میڈیا رپورٹس کے مطابق خواتین کی 15 نشستوں پر 20 کاغذات نامزدگی منظور ہوئے ہیں، 5 خواتین کو اپنے کاغذات نامزدگی واپس لینا ہونگے۔

It's only fair to share...Share on Facebook0Share on Google+0Tweet about this on TwitterShare on LinkedIn0

 پاک فوج کے دستے چکوال پہنچ گے

​امام بارگاہ مہاجرین سادات بھون روڈ چکوال کے سب سے بڑے اور قدیمی روایتی ماتمی جلوسوں کا دو روزہ سلسلہ بروز ہفتہ چھ محرم الحرام اور بروز اتوار سات محرم الحرام کی شب تک جاری رہے گا جس کے لئے کل بروز جمعہ المبارک کو ڈی سی او چکوال کی درخواست پر سیکیورٹی انتظامات کا کنٹرول سنبھالنے کے لئے  پانچ محرم الحرام کو پاک فوج کے دستے چکوال پہنچ جائیں گے.چھ محرم کا جلوس بھون چوک سے شروع ہو کر باب چکوال.ہسپتال روڈ.پرانی سبزی منڈی.موچی بازار سے ہوتا ہوا امام بارگاہ سرپاک چکوال میں اختتام پذیز ہوگا اور سات محرم الحرام کا غیر معمولی ماتمی جلوس  پاک فوج کے سخت سیکیورٹی نگرانی کے  ساتھ پولیس اور دیگر اداروں کی قیادت میں امام بارگاہ سرپاک چکوال سے شروع ہو کر چوہدری محمد علی خان کی رہائش گاہ سبزی منڈی اور بعدازاں صرافہ بازار سے ہو کر چھپڑ بازار چکوال شہر میں پہنچ جائے گا جہاں پر مجلس عزاء کا انعقاد ہوگا اور جلوس دوبارہ کوثر پان والی گلی سے شروع ہو کر مدنی مسجد کے باہر سے گزرتا ہوا امام بارگاہ میں اختتام پذیز ہوگا…..

It's only fair to share...Share on Facebook0Share on Google+0Tweet about this on TwitterShare on LinkedIn0

اپنے حق کے لیے ہمیں اسلام سے راہنمائی لینا ہوگی، مولانا امیر محمد اکرم اعوان 

وطن عزیز میں اپنے حقوق کے لیے جلسے جلوس ہو رہے ہیں، ہمیں دیکھنا ہوگا کہ مزدور سے حکمرانوں تک ہم اپنی ذمہ داری نبھا رہے ہیں یا نہیں، ان خیالات کا اظہار شیخ سلسلہ نقشبندیہ اویسیہ مولانا امیر محمد اکرم اعوان نے دارالعرفان منارہ میں روحانی اجتماع سے خطاب کرتے ہوئے کیا۔ انہوں نے کہا ہر فرد کو اس کا حق ملے تو اس کے لیے ہمیں اسلام سے راہنمائی لینا ہوگی، حق مانگنے کا رواج غیر اسلامی معاشرہ کی ایجاد ہے، اسلام مانگے بغیر حق پہنچانے کا حکم دیتا ہے۔ سڑکیں بلاک کر دی جاتی ہیں تو کیا مسافروں کا کوئی حق نہیں، بیمار ایمبولنس میں دم توڑ جاتے ہیں کیا ان کا کوئی حق نہیں؟ دکاندار کا کاروبار رک جاتا ہے کیا اس کا بھی کوئی حق نہیں، وہ مزدور جو روزانہ کی بنیاد پر کام کرتے ہیں ان کے افلاس زدہ بچوں کا کوئی حق نہیں۔ حکومت کی ذمہ داری ہے کوئی احتجاج کرے تو پوچھے اور اس کے ساتھ انصاف کیا جائے۔

It's only fair to share...Share on Facebook0Share on Google+0Tweet about this on TwitterShare on LinkedIn0

ڈی پی او چکوال سے متولی امام بارگاہ گلستان زہرا کی ملاقات

متولی امام بارگاہ گلستان زہرا چکوال چوہدری اظہر عباس نے ڈی پی او منیر مسعود مارتھ سے ملاقات کی اور انہیں عشرہ محرم کے انتظامات سے آگاہ کیا۔ میڈیا رپورٹس کے مطابق ڈی پی او نے بتایا کہ عشرہ محرم کے دوران ضلع بھر میں پولیس نے سکیورٹی کے فول پروف انتظامات کیے ہیں۔ مجالس اور جلوسوں کے منتظمین ضلع انتظامیہ سے تعاون کریں۔ چوہدری اظہر عباس نے یقین دلایا کہ اتحاد بین المسلمین اور فرقہ وارانہ ہم آہنگی پر یقین رکھتے ہیں اور پولیس و سول انتظامیہ سے تعاون کیا جائے گا۔

It's only fair to share...Share on Facebook0Share on Google+0Tweet about this on TwitterShare on LinkedIn0

ڈی سی او چکوال کا محرم کے جلوس کے روٹ کا معائنہ، سکیورٹی انتظامات کا جائزہ

ڈی سی او چکوال محمود جاوید بھٹی اور ڈی پی او منیر مسعود مارتھ نے 6 اور 7 محرم کے جلوس کے روٹ کا معائنہ کیا۔ میڈیا رپورٹس کے مطابق ڈی سی او اور ڈی پی او مرکزی امام بارگاہ سرپاک کے قریب پہنچے اور انہوں نے سکیورٹی انتظامات کا جائزہ لیا۔ بعد ازاں خمینی چوک سے صرافہ بازار اور چھپڑ بازار پہنچے اور سکیورٹی کے حوالے سے مختلف ہدایات جاری کیں۔ اس موقع پر اسسٹنٹ کمشنر شاہد یعقوب، تحصیلدار چکوال ملک ندیم اور ایس ایچ او سٹی انسپکٹر سید نصیر شاہ بھی موجود تھے۔ ڈی سی او اور ڈی پی او نے میڈیا کو بتایا کہ ضلع بھر میں حساس جلوسوں کو مقررہ راستوں سے گزارنے کے لیے پاک فوج کی خدمات بھی حاصل کی جائیں گی۔

It's only fair to share...Share on Facebook0Share on Google+0Tweet about this on TwitterShare on LinkedIn0

جبیر پور کے چوہدری شوکت مسلم لیگ ن میں شامل

سابق امیدوار برائے چیئرمین یونین کونسل جبیر پور چوہدری شوکت نے مسلم لیگ ن میں شمولیت کا اعلان کر دیا۔ میڈیا رپورٹس کے مطابق اجتماع میں 700 سے زائد افراد موجود تھے۔ اس موقع پر خطاب کرتے ہوئے رکن قومی اسمبلی طاہر اقبال نے کہا کہ مسلم لیگ ن بڑی جماعت ہے اور اس میں نئے آنے والوں کا خیر مقدم کیا جاتا ہے۔ اس موقع پر چوہدری شوکت نے مسلم لیگ ن میں شمولیت کا اعلان کرتے ہوئے کہا کہ نئے عزم سے سیاسی سفر شروع کر رہے ہیں۔

It's only fair to share...Share on Facebook0Share on Google+0Tweet about this on TwitterShare on LinkedIn0

پولیس کی امام بارگاہوں کے متولیوں، رضاکاروں کو سکیورٹی کی تربیت

محرم الحرام کے دوران تحصیل تلہ گنگ میں امن و امان قائم رکھنے کے لیے پولیس ملازمین کی چھٹیوں پر پابندی لگا دی گئی، میڈیا رپورٹس کے مطابق پولیس کی اضافی نفری بھی منگوائی جائے گی، علاوہ ازیں سپیشل برانچ تلہ گنگ کے عملہ نے امام بار گاہوں کے متولین اور رضاکاروں کو سکیورٹی کے حوالے سے تربیت دی اور سکیورٹی آلات استعمال کرنے کے طریقہ سے آگاہ کیا۔

It's only fair to share...Share on Facebook0Share on Google+0Tweet about this on TwitterShare on LinkedIn0

چکوال =رائے ونڈ مارچ پاکستان تحریک انصاف ضلع چکوال کے مقامی قائدین کیلئے ایک بڑا امتحان ہے، 

​چکوال=رائے ونڈ مارچ پاکستان تحریک انصاف ضلع چکوال کے مقامی قائدین کیلئے ایک بڑا امتحان ہے، تمام سابقہ اور متوقع امیدواروں کو زیادہ سے زیادہ بندے رائے ونڈ لانے کا ٹاسک دیا گیا ہے۔ معلوم ہو اہے کہ ہر امیدوار قومی اسمبلی کو ایک ہزار جبکہ امیدوار صوبائی اسمبلی کو پانچ سو افراد کا ٹارگٹ دیاگیا ہے۔ ضلع چکوال میں راجہ یاسر سرفراز، علی ناصر بھٹی، شیخ وقار علی، چوہدری محمد علی ، شوکت حسین کرولی ، ملک اختر شہباز، ماہا ترین راجہ، فوزیہ بہرام، پیر نثار قاسم، سردار منصور حیات ٹمن اور کرنل سلطان سرخرو کو یہ ٹاسک دیا گیا ہے۔ معلوم ہوا ہے کہ سالم چوک پر تمام ان متوقع امیدواروں کی کارکردگی کا جائزہ لیا جائے گا اور گاڑیوں اور بندوں کی گنتی ہوگی۔ بلکہ یہاں تک معلوم ہوا ہے کہ کہ آنے والے عام انتخابات کیلئے ٹکٹوں کی تقسیم کے وقت اس بات کو مد نظر رکھا جائے گا کہ رائے ونڈ مارچ میں اس امیدوار کی کیا کارکردگی تھی۔ لہٰذا اس حوالے سے تمام متوقع امیدوار ایڑی چوٹی کا زور لگا رہے ہیں اور زیادہ سے زیادہ بندے لیکر پی ٹی آئی ضلع چکوال سے رائے ونڈ پہنچے گی۔ شیخ وقار علی اس حوالے سے پہلے ہی پارٹی کی قیادت کو جلوس لے جانے کے حوالے سے کافی متاثر کر چکے ہیں۔ بہرحال صورتحال بڑی دلچسپ ہے رائے ونڈ مارچ ملک کی تازہ ترین سیاسی صورتحال کے بارے میں نئے رستے تعین کرے گا۔بہرحال ضلع چکوال میں مسلم لیگ ن کا مقابلہ بہرحال پی ٹی آئی ہی کرے گی۔

It's only fair to share...Share on Facebook0Share on Google+0Tweet about this on TwitterShare on LinkedIn0

حاجی محمدخان(مرحوم)کےایصال ثواب کےسلسلے میں مجلس عزا.مزیدخبرکےلیےکلک کریں

(ڈهڈیال)حاجی محمد خان (مرحوم)کےایصال ثواب کےسلسلے میں17ستمبر2016بروزہفتہ
امام بارگاہ سیدہ سکینہ بنت الحسین علیہ السلام راول زیر نزد شاہپور ہمدانیان چکوال میں سالانہ مجلس عزامنقعدهورہی ہے
جس میں ملک کے نامور علما و ذاکرین خطاب فرمایں گے۔بعد از مجلس ماتمداری ھوگی جسمیں ماتمی سنگت نارنگ سیداں اور شاہپور ہمدانیاں پرسہ پیش کریں گے۔مجلس صبح 9بجےشروع هوجائےگی
تمام مومنین سے التماس ہے کہ مجلس میں شرکت فرما کر ثواب دارین
حاصل فرمایں۔
اس مجلس کو آپ انٹرنیٹ کے ذریعے   www.ghamehussain.com پر live  دیکھ سکتے ھیں۔

It's only fair to share...Share on Facebook0Share on Google+0Tweet about this on TwitterShare on LinkedIn0
WordPress SEO fine-tune by Meta SEO Pack from Poradnik Webmastera